Иштин тартиби:

 

I бөлүк. Керектөөчүлөрдү өз ара туташтыруу түрлөрү

 

Эскертүү: Лампалардын түзүлүштөрүндөгү айырмачылыктарга  байланыштуу бирдей эле шартта бир лампанын жаркырактыгы экинчи лампанын жаркырактыгынан айырмалуу болушу мүмкүн.

 

1.  Бир лампаны батареялардын бирине эки зым колдонуу менен туташтыргыла. Чынжырдын схемасын 2.1-таблицага чийгиле. Көбүрөөк убакытка жандыруу максатында чынжырды ажыратуу же туюктоо үчүн   ачкыч  кошкула.

 

2.  Экинчи  лампаны мурунку лампа өчпөй тургандай кылып, чынжырга туташтыруу үчүн кошумча зым колдонгула. Тажрыйбалар ийгиликтүү аткарылса, чынжырдын схемасын 2.1-таблицага чийгиле. Бул чынжырда кандай өзгөрүүлөр болгондугун жазуу менен  схеманы түшүндүргүлө.

 

Эскертүү: Лампалар бирдей жаркырактыкка ээ болдубу? Же биринчи учурга караганда кандай өзгөрүү болду? Жаркырактыктардын айырмалуу же бирдей болушун түшүндүргүлө.

 

3.  Эгерде лампалардын бири өчүп калса, экинчиси да өчөбү?  Же жанып тура береби? Эмне үчүн?

 

4.  Үч лампаны ар биринин жаркырактыгы бирдей болгудай кылып, чынжыр чогулткула. Тажрыйба ишке ашканда чынжырдагы туташтыруу удаалаш же параллель экендигин аныктагыла. Чынжырдын схемасын 2.1-таблицага чийгиле. Эгер лампалардын бири өчсө эмне болот?  Түшүндүргүлө.

 

5.  Эки лампа бирдей жаркырактыкта, үчүнчүсү айырмалуу жаркырактыкта  күйө тургандай кылып, чынжыр чогулткула. Чынжырды текшергиле. Чынжырдын схемасын 2.1-таблицага чийгиле. Лампанын бирөө өчсө эмне болот? Түшүндүргүлө.

 

6.    Эми үч лампа бирдей  жаркырактык бере тургандай кылып чынжыр кургула. Бул сапар лампалар  4-кадамдагыдан  да жарык же тескерисинче начар күйүшү мүмкүн. Чынжырдын схемасын 2.1-таблицага чийгиле. Эгерде лампалардын бирөө өчсө эмне болот?  Түшүндүргүлө.

 

 

2.1-таблица

 

 

 

II бөлүк Ток булактарын өз ара туташтыруу  түрлөрү

 

1.  Биринчи кадамда аткарылгандай эле, ачкычты  колдонуу менен бир батареяга бир лампаны туташтыргыла.  Лампанын жаркырактыгын 2.2-таблицага мүнөздөп жазгыла.

 

 

 

1.  Эми экинчи батареяны 2.5.а–сүрөтүндө көрсөтүлгөндөй чынжырга туташтыргыла. Чынжырдын схемасын 2.2-таблицага чийгиле. Бул учурда лампанын жаркырактыгында кандай өзгөрүү болду?

 

2.  Экинчи батареяны 2.5.б–сүрөтүндө көрсөтүлгөндөй  чынжырга туташтыргыла. Чынжырдын схемасын 2.2-таблицага чийгиле. Бул учурда лампанын жаркырактыгында кандай  өзгөрүү болду?

 

3.   Эми экинчи батареяны 2.5.в–сүрөттөгүдөй туташтыргыла. Чынжырдын схемасын 2.2-таблицага чийгиле. Жаркырактык кандай өзгөрдү?

 

2-таблица

 

Эскертүү: 2-4-кадамдарда батареяларды өз ара туташтыруу  түрүн аныктагыла. Булардын кайсынысында лампанын эң жогорку жаркырактыгына (эң пайдалуу) жетиштиңер? Кайсынысы эң төмөнкү жаркырактыкты (аз пайдалуу) берет? Себебин түшүндүргүлө.